សំរាប់យើង

តើលុយអាចទិញអ្វីៗទាំងអស់បានទេ?

សំរាប់យើង — Tue, 04 Mar 2008 03:25:02 +0000

លុយអាចទិញផ្ទះ ប៉ុន្តែមិនអាចទិញស្រុកកំណើត
លុយអាចទិញគ្រែ ប៉ុន្តែមិនអាចទិញការគេងលក់
លុយអាចទិញនាឡិកា ប៉ុន្តែមិនអាចទិញពេលវេលា
លុយអាចទិញសៀវភៅ ប៉ុន្តែមិនអាចទិញចំណេះដឹង
លុយអាចទិញចំណី ប៉ុន្តែមិនអាចទិញការស្រេកឃ្លាន
លុយអាចទិញតួនាទី ប៉ុន្តែមិនអាចទិញការគោរព
លុយអាចទិញឈាម ប៉ុន្តែមិនអាចទិញជីវិត
លុយអាចទិញថ្នាំ ប៉ុន្តែមិនអាចទិញសុខភាព
លុយអាចទិញការរួមភេទ ប៉ុន្តែមិនអាចទិញការស្រលាញ់
លុយអាចទិញការធានារ៉ាប់រង ប៉ុន្តែមិនអាចទិញសុវត្ថិភាព

លោកអ្នកឃើញទេ មានលុយមិនមែនមានន័យថាមានអ្វីៗទាំងអស់នោះទេ៕

Message ផ្តាច់ប្រលឹង

សំរាប់យើង — Wed, 23 Jan 2008 09:07:41 +0000

ឃើញហើយ មិនសរសើរមិនបាន

សំរាប់យើង — Wed, 23 Jan 2008 08:24:50 +0000

hugh grant and haley bennett – way back to love

សំរាប់យើង — Wed, 23 Jan 2008 01:48:42 +0000

ម្សិលម៉ិញប្រហែលជារសៀលដែរទៅហើញ កំពុងតែអានវែបសាយកោះសន្តិភាពស្រាប់តែ រជ្ជនីយកក្រដាសមួយមកអោយ ហើយក្រដាស់នោះជាអត្ថបទចំរៀងអង់គ្លេស តែខ្ញុំមិនដែល បានស្តាប់ពីមុនមកដែរ។ រជ្ជនីបានពឹងខ្ញុំឲ្យជួយរកបទនេះឲ្យ ព្រោះគេរកចង់គ្រប់វេបសាយអស់ ហើយនៅតែមិនបានទៀត បន្តាប់ពីបានចំនងជើង និងឈ្មោះអ្នកចំរៀងហើយខ្ញុំបានព្យាយាមរក ទីបំផុតក៏ជួប ហើយបាន download យកមក។ download បានហើយសាកស្តាប់មើលទៅពីរោះ គ្រាន់បើ គិតថាបើចានចែកអ្នករាល់គ្នាស្តាប់ទៀតវារឹតតែប្រសើរ។ ចង់ upload ដាក់ស្តាប់ដែរតែអត់ចេះសោះ ដូច្នេះមានតែ link download ប៉ុណ្ណោះ។ សង្ឃឹមថាអ្នករាល់គ្នាមិនប្រកាន់ទេមែនទេ!!!!

សូម download នៅទីនេះ

Download hugh grant and haley bennett – way back to love.mp3

គំនរសំរាមស្ទឹងមានជ័យនឹងត្រូវប្តូរទៅទីតាំងថ្មី

សំរាប់យើង — Sun, 20 Jan 2008 01:44:56 +0000

ឆ្លងតាមបទសំភាសន៏របស់ស្ថានីយ៏ទូរទស្សន៏ខ្មែរប៉ុស្តិលេខ៣ ជាមួយឯកឧត្តម កែប.ជុតិមា អភិបាលក្រុងភ្នំពេញកាលពីរាត្រីថ្ងៃទី១៨ មករា ស្តីពីទីក្រុងល្អ និងភាពជាអ្នកដឹកនាំ។

ការសន្ទនាចេះតែបន្តទៅរយៈពេលប្រហែលមួយម៉ោង ឯកឧត្តមក៏បានមានប្រសាសន៏អំពីបរិ

ស្ថានក្នុងទីក្រុងភ្នំពេញ និងអំពីការចាក់សំរាមនៅគំនរស្ទឹងមានជ័យថា វាជាទីតាំងចាក់សំរាម

ដែលកើតមានតាំងពីសម័យសង្គមរាស្ត្រនិយមម្លេះ ម្យ៉ាងទៀតឥឡូវវាបានក្លាយទៅជាភ្នំសំរាម

មួយដែលយើងមិនអាចនឹងចាក់គរពីលើវាបានទៀតទេ។ ជាពិសេសសំរាមគ្រប់ប្រភេទត្រូវបាន

យកទៅចោលនៅទីនោះដោយគ្មានការបែងចែកត្រឹមត្រូតាមបទដ្ឋាន។

ហេតុដូចនេះសាលាក្រុងបានមានគំរោងប្តូរទីតាំងពីស្ទឹងមានជ័យនេះ ទៅកាន់ទីតាំងដែល

មានលក្ខណៈតាមស្តង់ដារ ម្យ៉ាងវិញទៀតសំរាមគ្រប់ប្រភេទត្រូវបានបែងចែកទៅតាមប្រភេទ

របស់វា ដោយមិនចាក់ឡូកឡំគ្នាដូចកាលពីមុនទៀតទេ។

បន្ថែមពីលើនេះទៀត ឯកឧត្តមក៏បានអំពាវនាវ និងសំនូមពរដល់ប្រជាជនទូទាំងទីក្រុងភ្នំ

ពេញក៏ដូចជាប្រជាជនទូទាំងប្រទេស ដែលប្រើប្រាស់ថ្មពិល ពេលប្រើប្រាស់រួចហើយសូមកុំ

ចោលវាពាវាលពាសកាល ព្រោះសារធាតុដែលនៅក្នុងថ្មពិលវាបានបំលែងខ្លួនវាទៅជាវិទ្យុស

កម្មរយៈពេល ១៥ឆ្នាំក្រោយពីយើងប្រើប្រាស់។ ហើយសារធាតុវិទ្យុសកម្មនេះវាមានផលប៉ះ

ពាល់ធ្ងន់ធ្ងណាស់ចំពោះមនុស្ស វាធ្វើអោយមនុស្សកើតមហារីកស្បែកធ្ងន់ធ្ង ប៉ះពាល់ដល់អវៈយ

វៈមនុស្ស ព្រមទាំងជំងឺធ្ងន់ធ្ងផ្សេងៗទៀតដែលយើងនឹកស្មានមិនដល់។

ប្រវត្តិរាជធានីភ្នំពេញ

សំរាប់យើង — Sat, 19 Jan 2008 06:47:22 +0000

រាជធានីភ្នំពេញចាប់ផ្តើមស្ថាបនាឡើងដំបូងបង្អស់នៅពុទ្ធសតវត្សទី២១ ត្រូវនឹងគ្រឹស្តសតវត្សទី១៥ ក្នុងរជ្ជកាលព្រះបាទ បរមរាជា (ពញាយ៉ាត) គឺព្រះស្រីសុរិយាព៌ណ នៅពេលដែលទ្រង់បោះបង់ចោលរាជវាំងអង្គរមកកសាងព្រះរាជវាំងថ្មីនៅ
ទួលបាសានក្នុងស្រុកស្រីសឈរ ដែលសព្វថ្ងៃហៅថា ស្រុកស្រីសន្ឋរ ខេត្តកំពង់ចាម។
ប៉ុនែ្តដោយទីទួលបាសាននោះ ក្នុងរដូវភ្លៀងមានទឹកលិចរាល់ឆ្នាំ ទ្រង់សាងប្រាសាទ
ព្រះរាជវាំង ហើយគង់នៅបានតែមួយឆ្នាំ ក៏ទ្រង់ស្តេចយាងមកកសាងព្រះរាជវាំងថ្មីនៅឆ្នេរទន្លេ
បួនមុខ គឺក្រុងភ្នំពេញសព្វថ្ងៃនេះនៅ គ.ស ១៤៣៥។
ការស្ថាបនានៅទីក្រុងភ្នំពេញមាន ២ លើក ព្រោះក្រោយពីស្ថាបនាលើកទីមួយ គ.ស
១៤៣៥ ដល់ ១៤៩៧ នោះព្រះរាជវាំងបានទៅស្ថាបនានៅអង្គរវិញ…ក្រោយពីអង្គរទៅពោធិ
សាត់ រួចទៅបរិបូរណ៏ រួចទៅលង្វែក ហើយទៅឧដ្តុង ហើយក្រោយពីដ្តុងព្រះរាជវាំងបានត្រ
លប់មកស្ថាបនាជាលើកទី២ នៅទីក្រុងភ្នំពេញវិញ នៅគ.ស ១៨៦៥ ទើបបានស្ថិតស្ថេរដល់
សព្វថ្ងៃ។
ការស្ថាបនាព្រះរាជវាំងនៅទីក្រុងភ្នំពេញ មាន២លើកៈ
-លើកទី ១ នៅគ្រឹស្តសតវត្សទី ១៥ រជ្ជកាលព្រះបាទពញាយ៉ាត មិនស្ថិតស្ថេរ
-លើកទ ២ នៅគ្រឹស្តសតវត្សទី ១៩ រជ្ជកាលព្រះបាទនរោត្តម ទើបស្ថិតស្ថេរ។

កិច្ចសំភាសជាមួយឯកឧត្តម កែប.ជុតិមា អភិបាលក្រុងភ្នំពេញ

សំរាប់យើង — Sat, 19 Jan 2008 03:55:22 +0000

កាលពីយប់មិញ បន្ទាប់ពីញុំាបាយហើយខ្ញុំបានមើលទូរទស្សន៏ប៉ុស្តិលេខ៣ ចំពេលគេសំភាសឯកឧត្តម កែប.ជុតិមា អភិបាលក្រុងភ្នំពេញនៃព្រះរាជាណាចក្រកម្ពុជាស្តីពីការទទួលបាន ពានរង្វាន់ទីក្រុងល្អ និងភាពជាអ្នកដឹកនាំ។
វាពិតជាមានមោទនៈភាពខ្លាំងណាស់ចំពោះ រាជធានីភ្នំពេញដែលទើបតែរួចផុតពីឈ្មោះជាទីក្រុងខ្មោច។ បងប្អូន
សាកគិតមើលតើវាមានអត្ថន័យយ៉ាងណាចំពោះ ទីក្រុងនៃព្រះរាជាណាចក្រកម្ពុជាដែលទទួលបានពានរង្វាន់នេះក្នុង
ចំនោមទីក្រុង ៤០០លើពិភពលោក ដែលទីក្រុងទាំងនោះរួមមានទាំងទីក្រុងនៃប្រទេសកំពុងអភិវឌ្ឍន៏ និងប្រទេសអភិ
វឌ្ឍន៏ដូចជាៈ ទីក្រុងLas Vegas នៃសហរដ្ឋអាមេរិក, ទីក្រុងMixico នៃប្រទេសMixes, ទីក្រុងឡុងដ៏នៃចក្រភពអង់
គ្លេសជាដើម…. សុទ្ធតែប្រាថ្នាចង់បានពានរង្វាន់នេះដើម្បីជាមោទនៈភាពនៃទីក្រុងរបស់គេ។
តែទីបំផុតនៅពេលដែលលទ្ធផលត្រូវបានប្រកាសនោះ ទីក្រុងដែលគ្មាននណារនឹកស្មានដល់នោះត្រូវបានទទួលពាន
រង្វាន់នេះទៅវិញ។ ពានរង្វាន់នេះហើយដែលជាសក្ខីភាពថា ភ្នំពេញយើងបច្ចុប្បន្នលែងជាទីក្រុងរហោដ្ឋានទៀតហើយ
ផ្ទុយទៅវិញ វាជាទីក្រុងមួយដែលជាពោពេញដោយការអភិវឌ្ឍន៏ ដែលប្រទេសជិតខាងពុំអាចប្រៀបផ្ទឹមបាន។
វាប្រែក្លាយពីទីក្រុងដែលមានប្រជាជនមិនដល់ ៦០ម៊ុឺននាក់ផង រហូតដល់ឥឡូវប្រជាជនមានប្រមាណជិត ២លាននាក់ ដោយឡែកទឹកស្អាតនៅទីក្រុងភ្នំពេញក្នុងមួយថ្ងៃត្រូវប្រើប្រាស់អស់ប្រមាណ ៤០ម៊ុឺនម៉ែត្រគីប។
ដោយនៅពេលចូលប្រកួតនោះ ឯកឧត្តមបានលើកយកប្រធានបទ ” បរិស្ថាន ” ហើយខ្ញុំក៏សង្ឃឹមយ៉ាងម៉ុតមាំថា
ភ្នំពេញយើងគឺនៅតែជាទីក្រុងដែលពោពេញដោយបរិស្ថានបរិសុទ្ធជាដរាប។
មិនតែប៉ុណ្ណោះនៅក្នុងកិច្ចសំភាសនេះ ឯកឧត្តមបានសន្យាយ៉ាងម៉ុតមាំថា ទៅថ្ងៃអនាគតទីក្រុងភ្នំពេញនឹងក្លាយជា
ទីក្រុង គុជ នៅក្នុងតំបន់។ មិនតែប៉ុណ្ណោះទៀតសោតវាក៏ នឹងជាទីក្រុងបៃតងមួយនៅលើពិភពលោកយើងនេះដែរ។
តាំងនាមខ្ញុំជាប្រជាពលរដ្ឋខ្មែរមួយរូប ខ្ញុំពិតជាមានមោទនៈណាស់ចំពោះទីក្រុងភ្នំពេញបច្ចុប្បន្ន ពិសេសខ្ញុំពិតជា
ពេញចិត្តចំពោះការដឹកនាំរបស់ឯកឧត្តម អភិបាលក្រុង ហើយសង្ឃឹមថាទីក្រុងភ្នំពេញនឹងអភិវឌ្ឍន៏ជានិរន្តរភាព។

តើមានក្បាលនាគប៉ុន្មាននៅលើវិមានឯករាជ្យ?

សំរាប់យើង — Fri, 18 Jan 2008 07:10:35 +0000

សង្ឃឹមថា ប្រិយមិត្តដែលបានឃើញ postមួយនេះពិតជាអាចមានចំលើយមិនខាន។ ព្រោះវាជាសម្បត្តិរបស់ជាតិយើង សូមជួយប្រាប់ផង!!!

សុពលភាពនៃកិច្ចសន្យា

សំរាប់យើង — Fri, 18 Jan 2008 07:00:31 +0000

សុពលភាពនៃកិច្ចសន្យាមាន៣ៈ

១- កើតចេញពីការព្រមព្រៀងដោយសេរី និងពិតប្រាកដ

២- ជនដែលមានសមត្ថភាពចុុះកិច្ចសន្យា

៣- កម្មវត្ថុមួយជាក់លាក់ និងតាមប្រពៃណីទំនៀមទំលាប់ត្រឹមត្រូវ។

ច្បាប់កិច្ចសន្យា

សំរាប់យើង — Fri, 18 Jan 2008 06:54:57 +0000

កិច្ចស្នយាមាន ២ប្រភេទៈ កិច្ចសន្យាលាយល័ក្ខអក្សរ និងកិច្ចសន្យាផ្ទាល់មាត់់។

កិច្ចសន្យាគឺជាៈ

+ការព្រមព្រៀងគ្នាចាប់ពី ២នាក់ឡើងទៅ

+ដោយគ្មានការបងកខឹងបង្ខំ

+មិនអាចជាអនីតិជន

+គ្មានអំពើហឹង្សា

+ដើម្បីឲ្យមានលក្ខណៈជាច្បា់